Der Kurpark ist zu jeder Jahreszeit ein beliebtes Ausflugsziel für Lüneburger. (Foto: t&w)

De Kurpark fröher

Zur Sache

Sprachtradition

Das Plattdeutsche gehört zu unserer Region wie Elbe und Heide. Daher veröffentlicht die LZ in unregelmäßigen Abständen Texte auf Platt auch im Lokalteil. Heute geht es um den Lüneburger Kurpark.

Gastautor Rolf Kliemann wurde 1924 geboren. Als Kind wohnte er mit seinen Eltern am Oedemer Weg, hatte guten Kontakt zu den dortigen Landwirten, wodurch er deren Umgangssprache übernahm, obwohl in seiner Familie kaum Platt gesprochen wurde. Der inzwischen 95-Jährige pensonierte Bundeswehr-Offizier wohnt heute in Kirchgellersen.

Lümborg. Egentlich hett de Kurbedrief in Lümborg al vör goot tweehunnert Johren 1813 anfungen. De Salinendirekschoon hett dormals nämlich twe e Holtbaadwannen in enen Stall op’e Niege Sült opstellt und Solebäder anbaden. Dat hebbt de Lümborgers geern annahmen. In’t Johr 1817 sünd dor al 3400 Solebäder afgeven worrn, ‘n Kurpark hett dat aver noch nich geven.
Al 1820 hett de Saline en richtiget Baadhuus op’e Eck vun Sülztorstraat un Lindenstraat boot. Warvt hebbt se dormit, dat de Sole 26,5 % Solt harr un dormit ene vun de stärksten Quellen weer. Üm dat Huus rüm hebbt se ’n groten Goorn anleggt, den man nu ok al Kurpark nömen künn. Aver de Inrichten weren so primitiv, dat dormit kuum utwärtige Gäst antolocken weren. In’t Johr 1825 hebbt se blot 133 Kurgäst tellt. Aver jichtenswann hett dat doch’n Opswung nahmen. Verantwortlich weer to de Tiet de Salinenverwalten.

1907 weer dat denn aver sowiet. Salinendirektor Sachse hett den Lümborger Magistrat dorto kregen, ut den Besitt vun’n Heiligen Geist sösstig Morgen Land aftogeven för ’n ne’en Kurpark. Dat Land leeg güntsiet vun’n olen Kurpark twischen Uelzener Straat un Soltauer Straat. So wurr denn dor en Kurhuus, en Baadhuus, ene Konzertmuschel un ene Wandelhalle boot.
1910 is to de Anlagen noch ’n Gradierwerk kamen, dat nu den Besökers soltholtige Luft levern kunn. De Sool keem ut‘e Saline. Dat Moor för dat „Moorbad“
29 hett Hoffbesitter Müller ut Adendörp ut dat Postkuhlenmoor bröcht.

Die drei Grafiken mit den entsprechenden Jahreszahlen zeigen, wie sich der Kurpark in seiner Gestaltung im Laufe der Jahre verändert hat. (Zeichnung: Brigitte Claren)
För dat Baadhuus weren 88 000 Mark bewilligt, för dat Kurhuus 47 000 un för de Anlaag vun’n Kuurpark 29 000 Mark. Wohrhaftig weren de anslaan Kosten böös över de Vörstellen gahn. (De Leser warrt sik denken: So nee is dat Problem nich).

Un denn güng dat mit den Kurpark los. De Kurverwalten hett den Kurpark op 23 Hektar (rund 100 Morgen) anleggt. De nöördliche Deel mit de fasten Kurinrichten harr veel Blomenbeten, Rasen un’n Swanendiek. De süüdliche Deel weer landschoplicher inricht’, üm so den Övergang to’n Bockelsbarg to schaffen. In düssen Deel hebbt sik an’n Rand’n poor Tennisverenen ansiedelt.

De goden Verhalensmööglichkeiten in un üm den Kurpark hebbt dorto föhrt, dat noch ‘n poor Kinnerheime an’n Rand boot wurrn: Dat Hamburger Kinderheim „Lindenau“, dat Kinnerheim vun’e Stadt Berlin un dat Hannoversche Kinnerheim „Sülfmeister“. An’e Uelzener Straat lett ene „Logierhausgesellschaft“ dree Villen as Hotels för Kuurgäst boen: Villa Erika, Villa Heiderose und Villa Auguste Viktoria.

1919 hett de Saline den Kuurpark mit all Anlagen för 173 754 Mark an de Stadt Lümborg verköfft. De wedderhaalte Andrag Lümborgs, de Stadt mit den Binaam „Bad“ uttoteken, hett aver nich glückt. Dat hett eerst 1977 klappt. Nu künn de Stadt sik „Sole- und Moorheilbad“ nömen.

Na’n Tweten Weltkrieg hebbt de Briten den Kurpark för sik in’n Ansprook nahmen. Dat Kurhaus weer in de Tiet Offiziersclub. Dat güng bit 1956.

In’e sösstiger Johr hett de Stadt in’e Nordoosteck en Hallenbad boen laten. Dat weer al wat, nadem de Stadt bether blot Flussbaadanstalten harr.

Na dat Afbreken vun’t ole Baadhuus is 1973 en modernet Kurzentrum – Salü – boot worrn. Un wat is dorbi rutkamen? En Hallenband (267 m²), en Wellenbecken (525 m² Sole), en Butenbecken (360 m² Sole), dorto noch Kinnerbecken, Planschbecken, Saunen, Whirlpools, Bewegen un Therapiebecken. Dorto över 1300 Gardrovenschschäpp un 480 Parkplätz! Dat geev dat in Noorddüütschland nich noch eenmal!

De Kurpark höört jümmers noch de Stadt to, aver de Kuranlaag warrt vun’n Kurzentrum Lüneburg Kurmittel GmbH verwachtet. Un wiel dat Betere de Fiend vun‘n Goden is, warrt dat Kurzentrum in düsse Tiet von Grund up moderniseert. Dat schall 2021 fardig ween. Dorup freit sik al de Lümborgers!

Vun Rulf Kliemann